ភ្នំខ្នងព្រះ ជាភ្នំមួយដែលមានទីតាំងស្ថិតនៅតំបន់ជួរភ្នំក្រវាញ ស្រុកវាលវែង ខេត្តពោធិ៍សាត់។ ភ្នំខ្នងព្រះ សំបូរទៅដោយរុក្ខជាតិនិងផ្កាព្រៃជាច្រើនប្រភេទ។ ចំពោះស្ថានភាពផ្លូវឡើងទៅលើភ្នំគឺថ្ម៨០ភាគរយ យើងត្រូវដើរឡើងតាមជ្រលងដងអូរ ចំណោទខ្ពស់ៗ និង ដើរកាត់ព្រៃខ្លះៗ ដែលចម្ងាយប្រមាណ០៨គីឡូម៉ែត្រពីជើងភ្នំទៅដល់កំពូល។ ផ្លូវឡើងពោរពេញទៅដោយសម្រស់ដ៏ស្រស់ត្រកាលគួរជាទីគយគន់សម្រាប់អ្នកចូលចិត្តធម្មជាតិ ចូលចិត្តឡើងភ្នំ ។