នាថ្ងៃសៅរ៍ ៧រោច ខែភទ្របទ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៧ ខែកញ្ញា ឆ្នាំ២០២២ 
ក្រុមហ៊ុនទេសចរណ៍ ALL DREAMS CAMBODIA បានរៀបចំកម្មវិធីចុះយុទ្ធនាការសម្អាតក្រុងក្រចេះ ក្រោមប្រធានបទ”មួយជំហានគ្មានប្លាស្ទិក(ONE STEP NO PLASTIC)” ដោយមានការចូលរួមពីមន្ទីរទេសចរណ៍ មន្ទីរបរិស្ថាន មន្ទីរសាធារណៈការ និងដឹកជញ្ជូន មន្ទីរអប់រំ យុវជន និងកីឡា សាលាក្រុង សាលាខេត្ត លោក លោកស្រី និងស.ស.យ.ក ខេត្តក្រចេះ ដើម្បីផ្សព្វផ្សាយដល់ប្រជាពលរដ្ឋក្នុងក្រុងក្រចេះឲ្យមានការចូលរួម ថែរក្សា អនាម័យបរិស្ថានស្អាត ទុកដាក់ វិចខ្ចប់ និងញែកសំរាមបានត្រឹមត្រូវ ចូលរួមកាត់បន្ថយការប្រើប្រាស់ប្លាស្ទិក និងមានការកែច្នៃឡើងវិញ និងដើម្បីផ្សព្វផ្សាយទាក់ទាញភ្ញៀវទេសចរ ឲ្យមកកំសាន្តខេត្តក្រចេះ ប្រទេសកម្ពុជា ឲ្យកាន់តែកើនច្រើនឡើងៗ អមដោយការសម្តែងសៀកលក្ខណៈអប់រំ អំពីការគ្រប់គ្រងសំរាម ប្លាស្ទិក ដោយមានអ្នកចូលរួមសរុបប្រមាណ៣០០នាក់ ។