«​កោះ​សាមសិប​» ជា​តំបន់​អេកូ​ទេសចរណ៍​ថ្មី​មួយ លាតសន្ធឹង​តាម​ដង​ទន្លេមេគង្គ ជាប់​ព្រំប្រទល់​ខេត្តក្រចេះ និង​ស្ទឹងត្រែង​។ កោះ​នេះ ស្ថិតក្នុង​កម្រង​កោះ​មួយ នៅក្នុង​ចំណោម កោះ​ទាំងអស់ ដែល​ស្ថិតនៅ​ក្នុងភូមិ​ចំនួន​បី គឺ​ខ្សាច់​លាវ កោះ​ខ្ញែរ និង​ពន្ធ​ជា នៃ​ឃុំ​អូរ​គ្រៀង ស្រុក​សំបូរ ខេត្តក្រចេះ​។​

សហគមន៍អេកូទេសចរណ៍កោះសាមសិប ជាកោះមួយដែលមានសក្ដានុពលខាងផ្នែកអេកូទេសចរណ៍ដែលអាចទាក់ទាញភ្ញៀវទេសចរមកលេងកម្សាន្ត។ កោះសាមសិប ជាទីឋានដ៏ស្រស់ត្រកាលប្រៀបដូចឋានសួគ៌លើដី ដែលមិនទាន់មានអ្នកស្គាល់ច្រើនប៉ុន្មានឡើយ នៅលើកោះមានធម្មជាតិដ៏ស្រស់ត្រកាល សម្បូរទៅដោយសត្វស្លាបច្រើនប្រភេទ ពិសេសទៅទៀតនោះភ្ញៀវអាចបោះតង់នៅលើឆ្នេរខ្សាច់ដ៏សក្បុស។

សកម្មភាពកម្សាន្ត៖

បោះតង់ ថតរូបទុកជាអនុស្សវរីយ៍ គយគន់ទេសភាព ជិះទូកដើរលេងនិងទស្សនាថ្ងៃលិចនិងថ្ងៃរះ មានសេវាកម្មផ្ទះស្នាក់ សេវាម្ហូបអាហារ ភេសជ្ជៈ និងអ្នកនាំភ្ញៀវទេសចរផងដែរ។

អាស័យដ្ឋាន៖

ភូមិពន់តាជា ឃុំអូរគ្រៀង ស្រុកសំបូរ ខេត្តក្រចេះ